BUTUAN CITY – Nasikop sa joint anti-illegal drug operation sa Purok 1, Barangay Tungao ning siyudad sa Butuan kagahapon sa alas 5:22 sa buntag si alias “Bolantoy,” usa ka high-value individual kon HVI.
Gipangulohan ang operasyon sa Butuan City Police Station 5 kon BCPS5 Drug Enforcement Unit uban ang Mobile Armed Regional Police Special Tactics and Action Group kon MARPSTA ug Philippine Drug Enforcement Agency kon PDEA-Caraga.
Nakumpiska gikan sa suspek ang usa ka heat-sealed plastic sachet nga adunay gituohang shabu kansa mitimbang og usa ka gramo ug gibana-banang nagkantidad og P6,800.00.
Ang mga ebidensya gi-andam na alang sa pagsaka og kaso batok sa suspetsado ubos sa Section 11, Article II sa Republic Act 9165 kon mas nailang Comprehensive Dangerous Drugs Act of 2002.
