BUTUAN CITY – Igo na lang sa pagdangoy-ngoy ang usa ka pamilya sa Purok Kalyong, Brgy Landan, lungsod sa Polomolok, South Cotabato human na-igo sa kilat atol sa kusog nga ulan niadtong Martes sa hapon ang upat nila ka mga kabanay nga miresulta sa pagkamatay sa 15-anyos nga bayong-bayong ug pagka-angol sa iyang amahan uban sa laing tulo nila ka mga kabanay.
Sigon ni Felissa Labua, lola sa biktima, nag-ani og mais ang mga biktima sa dihang na-abtan sila sa kusog nga ulan rason nga napugos sila pagsilong sa usa ka payag ug nag-inom og kape.
Kalit lang matud pang mikilat ug maoy nakaigo sa grupo kondiin nagrabihan ang bayong-bayong.
Gidala pa sila sa Polomolok Municipal Hospital, apan gideklarang dead on arrival ang batan-on samtang padayon pang nagpa-alim ang mga samdan niining kabanay.
Tungod niini, nanawagan ang mga opisyal nga likayan ang pagpabilin sa mga open area kung adunay kusog nga ulan ug kilat ilabina aron malikayan ang susamang insidente.
