BUTUAN CITY – Mibiya na sa group chat sa 20th Congress Senators kagahapon sa alas-5:00 sa hapon si Senadora Imee Marcos, base sa iyang FB post kondiin makita ang iyang pagbiya sa ilang group chat nga gi-apilan sa 23 ka lain pang mga senador.
Kini human nagtinubagay sila Marcos ug Senate President Pro Tempore Panfilo ‘Ping’ Lacson human gipadayag sa presidential sister nga naglilbog siya nganong dili ipadayon sa Senate Blue Ribbon Committee ang ilang pagdungog kalabot sa mga flood control projects ug magpagawas na lang matud pa og partial report.
Dinhi na nangutana ang senadora kung nagtigom ba ang majority bloc dayong butyag nga dili klaro alang kaniya ang iskedyul sa unang adjournment sa 20th Congress.
Buwelta ni Lacson, mas maayo matud pa nga mutambong si Marcos sa mga pagdungog kalabot sa anumalusong mga flood control projects aron dili kini maglibog dayong butyag nga mas maayo usab nga maminaw kini sa mga sesyon sa plenaryo ug basahon ang mga anunsyong gipadala sa group chat aron permanenteng updated.
Birada ni Marcos, pulos na lang matud pa pagpamig-ot sa mga senador ang unod sa group chat, pagdungog inong man session sa plenaryo tungod kay mas gipang-unapa ang dina-utay nga mas grabe pa sa linog.
Dungan sa iyang pagbiya sa ilang group chat, nagpadungog-dungog usab kini nga ihunong na ang pagpaka-aron ingnong maayo apil na ang pag-inawayay.
