-- ADVERTISEMENT --
BUTUAN CITY – Giduso kaganina ni Atty. Israelito Torreon, abogado ni acting Davao City Mayor Sebastian ‘Baste’ Duterte ang ‘disbarment case’ sa Korte Suprema batuk nila Department of Justice Sec. Jesus Crispin ‘Boying’ Remulla, Defense Sec. Gilberto ‘Gibo’ Teodoro, Justice Usec. Felix Ty, ug Prosecutor General Richard Fadullon.
Sigon ni Atty. Torreon, may kalambigitan kini sa pag-aresto ug pagpadala kang kanhi Pangulong Rodrigo Duterte sa The Hague, Netherlands.
Sa iyang pag-atubang sa mga tigbalita, nagdumili pa kini pagpa-ambit og dugang impormasyon kalabot sa unod sa maong dokumento tungod kay duna matud pa siya’y gisunod nga patakaran isip usa ka abogado.
