BUTUAN CITY – Gikumpirma ni House Deputy Speaker Rep. Ronaldo Puno nga mobiya na si Speaker Martin Romualdez sa iyang posisyon isip lider sa House of Representatives unyang hapon, aron matud pa mapanalipdan ang dungog sa Kamara, taliwala sa mga kontrobersiyang duna’y kalabotan sa flood control projects ug nasudnong budget.
Kagabii gipanghakot na ang mga gamit ni Romualdez gikan sa iyang opisina, apil ang iyang nameplate isip Speaker, nga naglig-on pa sa balita nga siya mukanaog sa puwesto.
Nahimong emosyonal si Romualdez samtang nanamilit sa pipila ka mga ka-alyado.
Nagtigum ang mga miyembro sa majority bloc sa Office of the Speaker aron hisgutan ang musunod nga lakang sa dili pa ang pormal nga pagkanaog niini sa pwesto ug gila-umang magpagawas og pamahayag human sa maong miting arpn muhatag og opisyal nga pamahayag ug ang musunod nga puli kang Romualdez.
Kusog ang ngalan ni Rep. Faustino “Bojie” Dy III isip posibleng bag-ong House Speaker, ug adunay pipila ka magbabalaod nga nag-post na usab sa social media mahitungod sa ka-usaban unya sa liderato.
Sumala sa mga observers sa Kamara, ang maong kausaban posible nga magdala og epekto sa balanse sa gahum sa Kamara, labina kay hapit na ang deliberasyon sa musunod nga nasudnong budget.
