BUTUAN CITY – Misaad ang Qatar nga manimalos sa gihimong pagpamomba sa Israel sa Qatar tungod sa operasyon sa Israel batuk sa mga opisyal sa Hamas nga gi-target sa usa ka residential compound diin atua ang lider sa Hamas.
Nasayrang patay ang usa ka Qatari security personnel human gibombahan sa Israel ang usa ka complex sa Doha, ang lugar diin nakabase ang negotiating team sa Hamas.
Gihimo ang maong pagpabusikad sa 15 ka mga Israeli fighter Jets, kansa nagpabusikad og 10 ka munitions sa usa lamang ka target.
Sigon sa Hamas, buhi ra ang ilang mga kadagkuan gikan sa maong pag-atake, apan patay usab ang ilang unom ka mga kaalyado.
Apan sigon sa Israel, batok matud pa sa mga senior leader sa Hamas ang maong pagpamomba. Kini ang pinaka-unang pagpamomba sa Israel ngadto sa Qatar.
Nasayrang ang Hamas mao ang armadong kusog nga naghawid sa Gaza, kansa maoy gipulbos sa Israel.
