BUTUAN CITY – Nanawagan karon kang Senador Rodante Marcoleta ang usa ka contractor sa lungsod sa Sta Catalina, Negros Oriental nga gipusil sa riding-in-tandem suspects niadtong Agusto 27 sa buntag dihang padulong unta sa iyang gipanag-iyahang quarry site sa Sitio Omanod, Barangay San Francisco.
Ang biktimang naka-survive sa maong kremin nga si Engr Angelito Uy Mendoza, 58-anyos, residente sa Barangay Manalongon sa susamang lungsod, naka-angkon og tulo ka mga samad-pinusilan sa iyang li-og ug usa sa bat-ang dihang gipusil samtang sakay sa iyang motorsiklo.
Nagtuo ang biktima nga ang iyang pagsaksi sa kasong gipasaka ni Kitty Torres batuk kang Negros Oriental Governor Chaco Sagarbarria ug sa mga sakop niini ang rason sa pagsulay pagpatay kaniya aron matud pa dili mabulabog ang lapad nga kurapsyon, extorion ug oppression nga nahitabo sa ilang lalawigan kondiin ang mga gagmay matud pa nga mga contractors sama kaniya, initan ug ipiton sa grupo sa gobernador.
Gusto niyang imbestigahan ang maong insidente aron mabulabog na matud pa ang kaylap nga kurapsyon sa ilang lalawigan kondiin ang insidente gitu-uhan niyang duna’y kalabutan sa pagpasaka niya og reklamo ngadto sa National Bureau of Investigation kon NBI-Central Office ug sa Office of the Ombudsman-Visayas.
Ang duha matud pa niya ka mga quaary areas, gi-override sa mga dagkong contractors nga nag-ooperate nga wala’y environmental compliance certificate ug area clearance.
