BUTUAN CITY – Opisyal nang nakabalik isip National Ambassador sa United Nations ang actress nga si Kristina Cassandra kon KC Concepcion.
Gipasigarbo sa aktres sa iyang social media ang litrato sa pagtanggap niya sa sertipikasyon isip National Ambassador Against Hunger para sa United Nations World Food Programme (WFP).
Sa iyang pag-atubang sa mga tigbalita, gipadayag sa aktres ang iyang tumang kalipay nga subling gisalig kaniya ang maong tahas tungod kay makatabang man siya paghatag og pagkaon niadtong katawhan nga mag-atubang sa tumang kagutom ilabina panahon sa kalamidad o emerhensya.
Una siyang nahimong ambassador sa parehas nga puwesto niadtong 2008.
Apil usab ang actress sa paghatag og tabang sa mga biktima sa bagyo ug linog nga nahitabo sa Nepal niadtong tuig 2015.
