BUTUAN CITY – Gibirahan ni Senador Rondante Marcoleta ang komedyanteng si Vice Ganda tungod sa iyang yaga-yaga ngadto kaniya atol sa iyang concert nga una nang nagdaut kang kanhi Pangulong Rodrigo Duterte.
Gihimo kini sa Senador atol sa committee hearing kagahapon subay sa sugyot nga wagtangon na ang online gambling dinhi sa Pilipinas kondiin bisan og wala niya panganli, apan gitawag niya kini nga wala’y uwaw.
Migawas matud pa ang yaga-yaga ni Vice Ganda kaniya atol sa concernt nga gi-sponsor sa online gambling company nga DigiPlus, kansa maoy usa sa mga hinungdan nga mulipang ang online gambling tungod sa paggamit sa mga sikat nga personalidad.
Dugang ni Marcoleta, dihang naggara-gara matud pa si Vice sa iyang concert ug nakita si kanhi Senador Grace Poe, dinhi na niini gisulti nga tan-awon ang iyang nawong ug sigugradong makakatawa matud pa ang nanan-aw.
Madumdumang mikaylap online ang yaga-yaga sa komedyante kalabot sa iyang comical skit nga jetski holiday padulong sa The Hague, Netherlands nga alang matud pa sa mga supporters ni kanhi Pangulong Rodrigo Duterte kansa gipalagan sa Davao City Council.
