BUTUAN CITY – Mi-abot na sa upat ka mga tawo ang natalang patay tungod sa pagkuso-kuso sa bagyong Crising dinhi sa nasud.
Sigon sa National Disaster Risk Reduction and Management Council (NDRRMC), sa maong ihap, usa sa mga namatay naggikan sa Caraga Region, duha sa Northern Mindanao, ug usa sa Davao Region.
Padayon usab nga gisusi sa NDRRMC ang report nga adunay tulo ka tawo nga samaran ug upat pa ang missing gawas pa sa 132,835 ka mga pamilyang apektado kansa bugti sa 420,355 ka mga indibidwal.
Ang MIMAROPA area kon Mindoro, Marinduque, Romblon og Palawan ang grabeng na-apektuhan nga adunay 1,896 ka mga pamilya kansa gisundan sa Region 9 nga adunay 1,519 ka mga pamilya.
Nabalik na usab ang suplay sa kuryente sa kadaghanang mga lugar nga naapektuhan sa maong daut nga panahon.
Base sa pagbana-bana sa NDRRMC, mi-abot sa kinatibuk-ang ₱165M ang gibilin nga kadaot sa maong daut nga mga panahon diha sa imprastraktura.
