BUTUAN CITY – Magpadayon hangtud sa Hulyo 23 ang mga nakahan-ay nga kalihukan sa Butuan City Social Welfare and Development Office sa pagsa-ulog sa National Disability Rights Week nga gisugdan kagahapon.
Sigon ni Lovelynn Mae Nies-Plaza, assistant Butuan City Social Welfare and Development Officer, human gibuksan ang maong kasa-ulugan kagahapong adlawa, magpadayon ang ilang mga kalihukan apil na ang ilang monitoring karong adlawa sa mga piniling establisamiento ning siyudad aron masuta kung misunod sila sa Batas Pambansa 344 apil na ang pagsuta sa mga kondisyon sa kadalanan ilabina kung musakay o kaha mukanaog gikan sa sakyanan ang mga persons with disability apil na sa ilang pagtabok sa dalan.
Sundan kini karong Lunes, Hulyo 21 alang sa himuong basketball-on-wheels nga apilan sa mga persons with disability kon PWDs gikan sa Agusan del Sur aron makigdula sa mga local PWD players.
Sundan usab kini sa uban pang mga mga dula nga ilang giplastar hangtud sa pagtapos na sa kasa-ulugan sa Hulyo 23.
