BUTUAN CITY – Gisugdan na kaganinang buntag ang search and retrieval operation alang sa pagrekober sa patay’ng lawas sa mga na-missing nga sabungero nga gika-ingong gitambog sa Taal Lake sa Talisay, Batangas.
Kaganinang alas-10:30 sa buntag, mihimo og checking and testing sa ground zero ang mga technical divers gamit ang ilang mga rubber boats samtang suot ang diving suit, oxygen tank ug uban pa, bitbit usab ang mga cadaver bags.
Nahimong hagit sa gihimong initial dive ang kusog nga huros sa hangin nga maoy nagpadagko sa mga balud nga maoy babag sa pagsalom ilabina kung lawom ang gilabayan sa mga niini.
Gikumpirma usab ni Philippine Navy spokesperson for the West Philippine Sea Rear Admiral Roy Vincent Trinidad nga dunay mga hagit nga atubangon ang mga divers sa pagsalom sa Taal Lake aron masigurong dili makompromiso ang ilang kaluwasan.
