BUTUAN CITY – Hingpit nang nanumpa sa ilang katungdanan ang tanang bag-ong napiling opisyales ning siyudad sa Butuan human midaog sa May 12 local elections kondiin ang tanang nanglingkod karon sa posisyon, pulos sakop sa bandong Team One Butuan.
Apil sa nanumpa ang tanang midaog pagka-konsehal nga gilangkuban nila Atty Glenn Carampatana, Ferdinand Nalcot, Atty Rema Burdeos, Carlos Sanchez, Victor Plaza, Atty Dennis Bacala, Arturo Gado, Clint Dabalos, Dendo Udarbe, TG Salcedo ug Marlon Labis.
Nanumpa na usab pagka-kongresista sa bugtong distrito sa Butuan si re-elected Congressman Jose ‘Joeboy’ Aquino II ingon man si Vice Mayor Rey Desiata ug si newly-elected Mayor Atty Lawrence Lemuel Fortun.
Sa iyang pagpanumpa, nanghinaut si Mayor Fortun nga abagan ug giyahan siya sa Kahitas-an sa iyang pagdumala sa katawhan ning siyudad sa Butuan.
