BUTUAN CITY – Padayon pang gi-imbestigahan sa Butuan City Police Station kon BCPS2 ang natigayong pagpamusil kaganinang alas-11:00 sa buntag atubangan sa usa ka junkshop, sa P-7, Brgy. Ong Yiu ning siyudad sa Butuan.
Naila ang biktimang si Renato Macaranga, 50-anyos, minyo, usa ka person with disability kon PWD ug residente sa P-8, Brgy. Fort Poyohon, ning siyudad samtang padayon pang gi-ila ang suspetsado.
Nasayrang nakadawat og tawag ang maong police station tungod sa maong hitabo nga dali usab nga girespondihan kondiin na-abtan sa kapulisan ang biktimang nahagba na sa yuta apan duna pa’y panimuot ug daling gidala sa ospital aron matambalan.
Sa kasamtangan, nagpaalim na sa usa ka balay-tambalanan ning syudad ang maong biktima.
Kamulo pa usab ang mga otoridad sa pagpangita sa suspetsado.
Narekober sa crime scene ang duha ka basiyo gikan sa gitira na nga cartridge cases ug usa ka buhing bala sa .45 nga kalibreng pistola.
