BUTUAN CITY – Tulo ka mga Iranians nga gi-akusahang nangispiya alang sa intelligence agency sa Israel ang gibitay base na sa pagkumpirma sa usa ka Iranian news outlet nga affiliated sa ilang hukidatura.
Gipatay ang tulo kaganinang buntag sa Urmia prison northwest border area nila tali sa Turkiye. Gika-ingon nga ang maong mga suspetsado, nagpalusot og mga “assassination equipment” pasulod sa Iran ubos sa pagpatuo nga kini “alcoholic beverage shipment”.
Wala gikabutyag sa report kung kanus-a sila gi-aresto ug kung unsa ang mga kasong ilang gi-atubang ug bugtong migawas lang nga impormasyon nga gipatay sila tungod matud pa sa paglusad og giyera batuk sa Ginoo ug pagpakaylap og kurapsyon sa kalibutan pinaagi sa pakig-alayon sa Israel.
Kini nga ihap pa lang ang gi-execute sa Iran sukad gilusad sa Israel ang ilang military operation batuk sa ilang nasud niadtong Hunyo 13.
