BUTUAN CITY – Hugtanong gipanghimakak sa White House ang migawas nga intelligence reports nga ang pagpamomba sa Estados Unidos sa tulo ka mga nuclear sites sa Iran, wala hingpit nga miguba sa maong mga pasilidad ug hinuon, napalangay lang niini ang ilang nuclear program og pipila ka mga buwan.
Gipadayag kini sa White House human hingpit nang napatuman ang ceasefire tali sa Israel ug Iran, base sa pag-anunsyo ni United States President Donald Trump.
Parehong mi-angkong og kada-ugan sa duha ka adlaw nga giyera ang Israel ug ang Iran kondiin nagmaya ang mga Iranians sa kadalanan sa Tehran samtang si Israeli Prime Minister Benjamin Netanyahu mi-angkon usab og kalampusan nga madumduman matud pa sa musunod nga mga henerasyon.
Una nang gikasab-an diha sa publiko ni Trump ang Israel ug Iran tungod sa paglapas sa ceasefire dayong mando sa Israel nga tapuson na ang ilang bombing operations ug pangdalhon na ang ilang mga fighter jets sa ilang nasud.
Gipadayag sa Iran nga mi-abot na sa 610 ka mga tawo ang patay apil na ang 13 ka mga bata samang dili usab mu-ubos sa laing 3,056 ang angol sukad gilusad sa Israel ang ilang pag-atake niadtong Hunyo 13 samtang sa Israel, mi-abot na usab sa 28 ka mga tawo ang napatay sa Iranian strikes.
