BUTUAN CITY – Dili mu-ubos sa 22 ka mga tawo ang patay samtang laing 63 ang angol sa natigayong suicide bomb attack sa usa ka simbahan sa Damascus, base na sa pagkumpirma sa health ministry sa Syria.
Sigon sa Syria’s interior ministry, usa ka lalaki ang misulod dayong mipa-arak sa iyang dalang armas sa Greek Orthodox Church of the Prophet Elias sa Dweila atol sa Sunday service dayong detonate sa usa ka explosive vest, kondiin ang attacker, nasuta nga affiliated sa jihadist group nga Islamic State kon IS kondiin sa pagkakaron, wala pa’y gihimong pag-angkon ang maong grupo.
Makita sa mga hulagway og video sulod sa simbahan ang grabeng pagkadamyos sa altar ug nagkatag pa ang mga bu-ak nga samin.
Sigon sa nakasaksing si Lawrence Maamari, usa ka tawo ang misulod sa simbahan bitbit ang iyang usa ka armas dayong pamusil kondiin gisulayan pa siya pagbadlong sa mga tawo adiser niya gipabusikad ang iyang kaugalingon.
Sigon usa sa usa ka tawong gikan sa kasikbit lang nga tindahan, nadunggan niy ang mga buto-buto sa armas nga gisundan sa kusog nga pagbusikad.
Kini ang unang pag-atake sa Damascus sukad napalagpot sa Islamist-led rebel forces si Bashar al-Assad niadtong Disyembre nga maoy nagtapos sa 13 ka tuig nila nga civil war.
