Naigo ang ika-duha nga pinakadakong syudad sa Ukraine ang Kharkiv sa giila nga biggest drone attack sa Russia.
Mingpatay na sa 30 ka tao ang bag-ong pag-atake sa Russia ug 21 usab ka indibidwal ang gikatahong na-angol.
Sumala ni Kharkiv mayor Ihor Terekhov nga minglusad nag Russia og 48 ka drones, 2 ka missiles, ug 4 ka gliding bomb padulong sa syudad tibuok gabie.
Daghan matud pa ang natala nga kadaot sa lugar kung asa daghang kabalayan ang naigo.
Samtang padayun usab ang pag-isyu og missiles warnings sa Ukraine Air Force tungod sa posibilidad sa dugang nga pagpakusog sa aerial strike sa Kharkiv.
Ang pinakabag-o ug pinakadako nga pag-atake sa Russia nagsunod sa usa ka major drone attacks nga gilunsad sa Ukraine sa mga airfields sa Russia sa miaging semana.
