Gikataw-an lang ni Vice President Sara Duterte sa dihang gipangutana kini bahin sa pagtudlo kang Police Major General Nicolas Torre III isip bag-ong hepe sa Philippine National Police kon PNP, hulip kang Gen. Rommel Marbil nga moretiro karong Hunyo 7.
Sa usa ka interview sa The Hague, Netherlands, samtang si VP Sara nagsaulog sa iyang adlawng natawhan uban ni kanhi Presidente Rodrigo Duterte, ug diha-diha dayon miingon, nga “Next question.”
Gipugos pa kini og paghatag og dugang reaksyon apan igo lang kini mikatawa pag-usab ug miingon, “mao na.”
Si Torre, kinsa kasamtangang director sa Criminal Investigation and Detection Group kon CIDG, maoy ground commander sa police team nga mi-serve sa warrant of arrest batok kang kanhi Presidente nga natanggong karon sa International Criminal Court kon ICC tungod sa kasong crimes against humanity nga may kalabotan sa iyang bangis nga ‘war on drugs.’
Sa laing bahin, gipasabot ni Gen. Marbil nga napili si Torre isip bag-ong hepe sa PNP tungod sa iyang liderato, ug dili isip ganti sa iyang papel sa pagdakop sa kanhi presidente.
