Gipili ni Ara Mina nga dili tubagon ang balita kalabot sa panagbuwag sa iyang igsuon nga si Cristine Reyes ug ang aktor nga si Marco Gumabao.
Sa iyang panayam sa usa ka reality show kagahapong adlaw, Lunes Hunyo 2, sigon ni Mina nga kung unsay iyang nahibaloan magpabilin lang kining anaa sa iyaha, ug dugang pa niini nga dili siya ang saktong tao nga mo butyag kung unsay tinuod.
Sigon pa niini nga matured na matud pa si Christine ug kahibalo na kini kung unsay angay matud pang buhaton.
Gipadayag pa ni Ara ang iyang suporta sa iyang igsuon, bisan unsa pa ang nasinati niini. Sumala ni Ara kung asa matud pa malipayon si Christine, nakasuporta kini ug ang iyang pamilya.
Gisaysay usab ni Ara nga mas napaduol si Christine sa ilang pamilya sa miaging buwan, butang nga gipasalmat niini kang Marco.
Samtang, gibutyag usab sa aktres ang hapsay nga co-parenting arrangement nila sa iyang kanhing partner nga si Patrick Meneses alang sa ilang anak nga si Mandy.
Matud ni Ara open ug walay tensyon ang relasyon nila bisan pa nga kasal na kini kang Dave Almarinez.
Nagkasinabot matud pa sila ni Patrick sa tanang aspeto gikan sa schedule sa pagbantay hangtud sa galastuhonon sa ilang anak.
