BUTUAN CITY – Duha ka staff sa Israeli embassy ang patay sa gawas nga bahin sa usa ka Jewish museum sa downtown Washington DC. Ang mga biktimang usa ka babaye ug usa ka lalaki, gipamusil dihang dihang paggawas na gikan sa usa ka event sa Capital Jewish Museum, pasado alas-9:05 sa gabii local time tali sa 3rd ug F Streets NW, ang lugar nga duna’y daghang tourist sites, museums ug mga government buildings, apil na ang Washington field office sa Federal Bureau of Investigation kon FBI.
Sigon ni US Homeland Security chief Kristi Noem, kinahanglang patubagon sa balaud ang mihimo niini samtang gitawag usab ni Israel’s ambassador to the United Nations Danny Danon ang maong insidente nga akto sa anti-Semitic terrorism tungod kay ang pagpasakit sa mga diplomats ug sa Jewish community, pagtabok na sa red line.
Tungod sa maong insidente, gipatuman ang major police response ug gisira ang pipila ka mga dalan sa siyudad.
Gikumpirma usab sa tigpamaba sa Israeli embassy nga gipusil ang mga biktima sa close range samtang mitambong sa usa ka event sa museum.
