BUTUAN CITY – Gipagawas na sa Philippine National Police kon PNP ang listahan sa pangalan sa mga heneral nga posibleng mapilian ni Pangulong Ferdinand ‘Bongbong’ Marcos Jr. aron muhulip kang PNP Chief Director General Rommel Francisco Marbil nga muretiro na karong Hulyo 7 ning tuiga human gi-extend ang iyang pagpangatungdanan tungod sa Mat 12 national and local elections.
Apil sa gipagawas sa PNP, Department of the Interior and Local Government kon DILG ug sa National Police Commission kon NAPOLCOM, sila PNP Deputy Chief for Administration LtGen. Jose Melencio Nartatez Jr, PNP Deputy Chief for Operations Lt Gen. Robert Rodriguez, PNP Directorial Staff Chief Lt Gen. Edgard Alan Okubo, National Capital Region Police Office Chief Major Gen. Anthony Aberin ug Criminal Investigation and Detection Group Chief PMaj. Gen. Nicolas Torre III.
Sa ilang lima, mas tunog si Torre tungod sa pipila ka kontrobersyal nga operasyong gi-apilan niini nga naglakip sa pagsulod sa balwarte ni Kingdom of Jesus Christ kon KOJC founder Apollo Quiboloy nga detinado na sa prisohan ug pagsignit usab kang kanhi Pangulong Rodrigo Duterte ug gipadala didto sa International Criminal Court sa Netherlands.
