BUTUAN CITY – Huptan ni International Criminal Court (ICC) Deputy Prosecutor Mame Mandiaye Niang ang kaso batuk kang kanhi Pangulong Rodrigo Duterte human kini gibuhian ni ICC Prosecutor Karim Khan tungod sa gi-atubang niining reklamo.
Sigon sa Office of the Prosecutor (OTP) sa ICC, sila Niang ug Nazhat Shameen Khan ang mulingkod sa maong kaso. Gipaniguro sa Office of the Prosecutor nga magpadayon ang epektibong implementasyon sa mandato aron mahatagan og hustisya sa mga biktima sa Rome Statute crimes sa bisan unsa mang kahimtang ug kaso sa tibuok kalibutan.
Madumdumang temporaryong mibiya si Khan human ang imbestigasyon sa United Nations Office of Internal Oversight Service.
Katapusang nahimo ni Khan mao ang paghangyo sa ICC nga isibog una ang pagpakita sa mga testigo sa kaso sa kanhi pangulo tungod sa kabalaka sa ilang seguridad ug aron masiguro ang patas nga proseso.
