BUTUAN CITY – Upat ka mga lider sa Quad Committee kon QuadCom sa House of Representatives ang dili na makabalik sa 20th Congress human nangapildi sa May 12 midterm elections.
Wala na giswerte si out-going Congressman Benny Abante nga makuha ang boto sa katawhan sa 6th District sa Manila human giparot sa ka-atbang niining si Joey Uy pinaagi lang sa 1,500 ka mga boto.
Napildi usab si Representative Dan Fernandez kinsa midagan pagka-gobernador sa Laguna ni broadcaster Sol Aragones kondiin ikatulo lang si Fernandez sunod kang Ruth Hernandez.
Samtang si Abang Lingkod Rep. Joseph Stephen ‘Caraps’ Paduano maoy pagtapos sa iyang term limit nga mao usab ang nadangatan ni Quad Com over-all chairman ug Surigao del Norte Rep. Robert ‘Ace’ Barbers.
Sa mga kongresistang nagsilbing co-chair sa maong komite, bugtong si Antipolo Rep. Romeo Acop lang ang makaserbisyo og balik sa 20th Congress human niya napildi ang ka-atbang.
Madumdumang namugna ang House QuadCom niadtong Agusto 2024, aron immbestigahan ang gika-ingong koneksyon sa illegal drugs trade ug Chinese drugs smuggling sa Pilipinas apil na ngadto sa Philippine Offshore Gaming Operations kon POGOs, sistematiko matud pang pag-abuso ug uban pang kontrobersiyal nga panghitabo nga natigayon sa mi-agi matud pang Duterte administration.
