BUTUAN CITY – Dili mu–ubos sa 114 ka mga Palestino ang patay sa gilusad nga airstrikes sa Israel sa kinatibuk-ang Gaza Strip sukad pa sa kaadlawon – oras sa maong nasud, base na sa pagkumpirma sa mga health officials ug mga rescuers.
Sa maong ihap, 56 kanila apil na ang mga bata ug kababayen-an ang namatay dihang tibuok gabii nga gibombahan sa Israel ang ilang kabalayan ug gipuy-ang mga tents nga gitagana alang niadtong nadislokar nga mga pamilya sa habagatang siyudad sa Khan Younis. Sigon sa Israeli military, ilang gi-igo ang mga Hamas ug Palestinian Islamic Jihad fighters sa southern Gaza.
Samtang gitaho usab sa Civil Defence agency kansa gipadagan sa Hamas nga duna usa’y duguong strikes sa amihanang lungsod sa Jabalia, apil na ang usa ka health clinic ug prayer hall sa Jabalia refugee camp nga mikalas og 13 ka mga tawo.
Nasayrang gipakusgan sa Israeli forces ang ilang pagpamomba ngadto sa gitawag nilang mga Hamas fighters ug mga imprastraktura adiser ang giplanuhan nilang pagpalapad pa sa ilang ground offensive sa Gaza.
