BUTUAN CITY – Human nakapanumpa alang sa iyang bag-ong termino isip re-elected congressman sa Agusan del Norte, misaad si Dale Corvera nga panid-an niya ang bag-ong kongreso tungod kay sigurado siyang duna kini kabag-uhan ilabina nga umalabot na ang presidential elections.
Sa iyang pag-atubang sa mga tigbalita, gipadayag sa kongresista ang iyang pagpasalamat sa mga Agusanon nga subling misalig sa ilang liderato dayong saad nga mas palambuon pa ang ilang serbisyo.
Aminado siyang mismong kabubut-on sa mga Agusanon ang mipatigbabaw sa ilang pagpili karon og mga lider nga mudala sa ilang tingog ug sentimiento human ang mga hulga karon sa mga dagkong opisyales sa nasud.
Dugang mga programa ug mga proyekto pa ang ilang ipatuman isip balos sa katawhan nga nagsalig kanila ug isip pakighi-usab usab sa ilang mga sentimiento.
