-- ADVERTISEMENT --
BUTUAN CITY – Wala pa’y napili nga bag-ong Santo Papa ang mga cardinals sa unang hugna sa botohay sa conclave human migawas ang itom nga aso pasado alas-3:06 sa kaadlawon, oras sa Pilipinas.
Sa kapin tulo ka oras nga pagsugod na sa botohay sa Sistine Chapel, tibuok kalibutan ang nag-atang sa mugawas nga aso sa panghaw gikan sa kapilya nga nasaksihan pasado alas-8:06 sa gabii, oras sa Vatican.
Base sa pagbana-bana sa Italian Police, mu-abot sa kapin 30,000 ka mga tawo ang anaa sa St Peter’s Basilica, naghulat sa mapiling bag-ong Santo Papa.
