BUTUAN CITY – Usa ka kompanya sa pagkaon ingon man distillery sa Australia ang nagbutang og mga hulmigas sa ilang gin tungod kay naghatag matud pa kini og usa ka lami nga citrus.
Ang kompanya sa pagkaon nga Something Wild ug ang Adelaide Hills Distillery nagtinabangay alang sa pagmugna og usa ka talagsaon nga bino kansa nagpakita sa talagsaon nga estilo sa kinabuhi sa mga aborigines sa Australia.
Ang berdeng mga amigas o weaver ant maoy tinubdan sa protina sa mga Australian aborigines sa karaang panahon tungod kay ang ulo ug tiyan niini adunay lami nga lemon ug apog nga gika-ingong makaayo sa ubo, labad sa ulo, ug sakit sa tutunlan.
Sukad nga gipagawas ang Green Ant Gin sa merkado niadtong 2017, sikat kini sa mga konsumidor ug nakadawat og mga awards gikan sa nagkada-iyang mga kompetisyon sa tibuok kalibutan.
Mapalit kini sa Australia sa kantidad nga100-Australian dollars kon P3,570 dinhi sa Pilipinas.
