BUTUAN CITY – Mipanaw na sa edad nga 71-anyos si Nora Aunor, kang gi-ilang “Superstar” sa Philippine movie ug National Artist for Film and Broadcast Arts ug naila usab sa bansag nga Ate Guy.
Gipahibalo kini sa iyang anak nga si Ian de Leon pinaagi sa post sa social media.
Nahitabo ang iyang kamatayon pipila ka adlaw human usab sa pagkamatay ni Pilita Corrales, inahan sa kanhi bana ni Lotlot de Leon nga si Ramon Christopher ‘Monching’ Gutierrez.
Si Aunor, natawo isip Nora Cabaltera Villamayor, usa ka bantugan nga aktres nga nailhan sa mga klasikong pelikula sama sa Himala, Tatlong Taong Walang Diyos, ug Thy Womb.
Siya lamang ang nag-inusarang Pilipina nga nakadaog sa Asian Film Awards Best Actress, ug adunay labing daghang nominasyon sa Gawad Urian 21 ug pito ka kadaugan.
Gipasidunggan usab siya sa Filipino Academy of Movie Arts and Sciences kon FAMAS Hall of Fame ug gitudlo nga National Artist niadtong 2022.
Sa wala pa siya namatay, mihunong siya sa iyang kandidatura sa 2025 elections tungod sa problema sa kahimsog sa panglawas.
Ang iyang dakong kontribusyon sa sinema ug kultura sa Pilipinas padayon nga mahinumduman sa daghang henerasyon.
