BUTUAN CITY – Patay ang usa ka kawatan human gipusil sa tag-iya sa usa ka bugasan nga NDJ Rice Store nga iyang gisulayan pagtulis kaganinang kadlawon, Abril 16, 2025, sa sulod sa Soda Building, Brgy. Pala-o, sa Iligan City.
Base sa inisyal nga imbestigasyon sa Iligan City Police Station, nasakpan sa tag-iya ang lalaki nga misulod sa ilang tindahan agi sa luyo nga pultahan kondiin na-aktuhan niya kini nga nagkalkal sa kaha ug gisulayan pagkawat ang kwarta nga gi-andam niya alang sa operasyon sa tindahan.
Dali niining gikuha ang iyang pistola ug gipusil ang wala pa mailang suspetsado kinsa dead-on-the-spot sa maong hitabo.
Ang kapulisan nag-awhag sa mga negosyante nga magpabiling alerto ug motabang sa mga imbestigasyon kung adunay susamang mga insidente sa ilang lugar.
