BUTUAN CITY – Duha ka mga van ug bus drivers ug usa ka konduktor sa pampublikong transportasyon sa dakbayan sa Butuan ang nagpositibo sa illegal nga druga atol sa gihimong surprise drug test kon Oplan Harabas kagahapon pinaagi sa mga sakop sa Land Transportation Office kon LTO-Caraga alang sa pagpatuman nila sa “Oplan Biyaheng Ayos: Semana Santa and Summer Vacation 2025.”
Sumala sa tigpamaba sa Philippine Drug Enforcement Agency kon PDEA Caraga nga si Dindo Abellanosa, sa 110 ka mga gipa-ilalom sa surprise drug test, duha niini ang nagpositibo kansa nasuta nga driver sa Nasipit-liner nga pampasayroang sakyanan, ingon man usa ang kundoktor sa bus nga taga-Sibagat, Agusan del Sur.
Dugang sa opisyal, gilayong gipa-ilalum ang nasangpit nga mga nagpositibo sa orientation mahitungod sa epekto sa illegal nga druga sa ilang lawas.
Gisunod gihapon sa ilang ahensya ang doktrina nga “save the user, jail the pusher” tungod kay gitu-uhang biktima lamang ang mga users sa mga namaligya sa nasangpit nga drugas.
Kini usab ang hinungdan nga girekomenda sa ilang ahensya ngadto sa matag-lungsod diin residente ang tulo ka mga nagpositibo nga mohimo gilayon og interbensyon alang sa maong mga drug users.
