BUTUAN CITY – Gipagawas na ni Senador Imee Marcos, ang tulo niya ka mga preliminary findings sa gihimong imbestigasyon sa iyang gikuptang Senate Foreign Relations Committee, kalabot sa gi-imbestigahan niining mga panghitabo dihang gipadakop sa gobyerno si kanhi Pangulong Rodrigo Duterte ug gitugyan ngadto sa International Criminal Court kon ICC.
Sa iyang gipatawag nga press conference, unang giyagyag sa senadora ang timeline adiser ang pagka-aresto sa kanhi pangulo kondiin apil niini ang mga plano ug preparasyong gihimo sa mga law enforcement agencies. Usa sa iyang preliminary findings mao ang kamatu-uran nga wala matud pa’y legal nga obligasyon ang Pilipinas aron arestuhon ang kanhi pangulo ug itugyan ngadto sa ICC.
Kini tungod kay wala’y hangyo ang ICC na arestuhon kini ilabina nga nabulabog nga ang nadawat lang sa gobyerno mao ang defusion notice kansa dili aprubado sa International Police Organization kon InterPol secretary ug klaro matud pa nga pagpanghunaw nang daan human nakita nga duna kini political color.
Aminado ang senadora nga nabati niya ang kasuko sa katawhan dili lang sa nasud kondili apil na sa ubang kanasuran.
Ikaduha ang paghikaw sa hangyo sa pangulo nga dinhi lang taralon sa nasud ug ang pagtugyan kaniya ngadto sa ICC taliwa nga gi-angkon ni Interior and Local Government Secretary Junvic Remulla nga gibase lang sa tsismis ang nahitabo apan klaro matud pa nga komprehensibong giplano ang tanan sukad pa niadtong Enero ning tuiga.
Ikatulo ang ubay-ubay matud pa nga mga katungod unta sa usa ka Pilipino nga angayang gihatag sa gobyerno bisan og dili na lang ang pagka-kanhi pangulo niini apan gihikaw kini. Apil na niini ang katungod nga madu-aw ug ma-istorya sa iyang anak nga abogada nga gila-umang makatabang sa iyang kaso.
Wala usab siya gidala ngadto sa competent judicial authorities nga maoy angay buhaton sa gobyerno ug dili kay itugyan sa ICC.
