BUTUAN CITY – Padayon nga nangamuyo og mga pag-ampo sa mga magtutuo ang simbahang katoliko alang sa kaayuhan sa Santo Papa.
Sumala sa katapusang taho ni Bombo international news correspondent Reverend Fr. Coke Daryl Prieto direkta gikan sa Rome, Italy, anaa na sa non-invasive mechanical ventilator si Pope Francis aron matabangan kini sa pagginhawa human siya na-diagnose sa komplikadong respiratory condition nga isolated bronchospasm niining weekend.
Apan bisan pa man niini, gibutyag ni Fr. Prieto nga nakahibalo gihapon ang Holy Father sa tanan nga panghitabo sa Simbahang katoliko tungod kay naghatag man gihapon og reports ang mga dicastery heads kaniya.
Gani, padayon gihapong nagbasa og mga dokumento ang Santo Papa ug nakigkita pa sa ubang mga tawo nga kinahanglan pakigkitaan alang sa kalambuan sa Simbahan.
