BUTUAN CITY – Gipamugos ni Police Lt. Col. Mariano Lukban, hepe sa Surigao City Police Station nga walay foul play sa nakaplagang patay’ng lawas sa lalaki nga usa ka Certified Public Accountant diha sa kalsada niadtong nakalabay nga alas 10;00 sa gabii sa may Vasquez Street, Barangay Washington, Surigao City.
Nailhan ang biktima nga si Leonel Rex, 38-anyos og residente sa maong dapit. Ang maong biktima maoy tag-iya sa girentahan sa usa ka parmasya dool sa Caraga Regional Hospital.
Sumala pa ni Police Lt. Col. Lukban nga gitoohan nilang suicide incident ang nahitabo nga posibleng tungod sa depression rasong miambak kini gikan sa ikatulong andan sa iyang panimalay.
Pamugos pa sa hepe nga walay komosyon nga nahitabo samtang dili usab ma-establisar sa ilang forensic unit nga dunay foul play.
Sa karun gipahiluna na ang patay’ng lawas sa biktima sa punerarya nga nahimutang sa Barangay Taft sakop sa maong siyudad.
Subay niini gibutyag sa opisyal nga dili lang mabalaka sa maong hitabo hinoon atimanon ang mental health ilabina karung kusog kaayu ang social media nga sagad maoy maka-apekto sa kahimsog sa panghuna-huna.//(
