-- ADVERTISEMENT --
BUTUAN CITY – Patay ang bana sa usa ka mayor sa Lanao del Sur human kini gipusil sa wala pa mailang mga responsable ning mi-aging buntag.
Ang biktima nga si Tadua Aloyodan, bana ni Lumbaca-Unayan Mayor Jamalia Aloyodan ug kanhi mayor usab sa maong lungsod, gideklarang patay pag-abot niya sa ospital.
Migawas sa imbestigasyon nga samtang nagtindog sa gawas nga bahin sa ilang panimalay sa Barangay Oriental Beta ang biktima, pasado alas-7:00 sa buntag, gipusil kini sa makadaghang higayon sa mga gunmen, nga sakay sa usa ka pick-up truck.
Sigon ni Brig. Gen. Romeo Juan Macapaz, ang Bangsamoro police director, padayon pang gi-imbestigahan ang maong hjitabo aron masuta kung kini, politically motivated ba o dili.
