BUTUAN CITY – Gikumpirma sa Santa Fe County Sheriff sa New Mexic nga napalgang patay sulod sa ilang panimalay sa Sunset Trial sila Oscar-winning US actor Gene Hackman, 95-anyos ug asawa niining si Betsy Arakawa, 63-anyos.
Gihimo na karon ang imbestigasyon ug sa pagkakaron, wala pa sa ilang anggulo nga gitutukan ang posibleng foul play
Madumdumang napili si Hackman nga best actor Oscar tungod sa iyang papel isip si Jimmy “Popeye” Doyle sa 1971 thriller film nga ‘The French Connection,’ ni William Friedkin ug best supporting actor usab tungod sa iyang pagkupot sa papel ni Little Bill Daggett sa pelikula ni Clint Eastwood nga Unforgiven niadtong 1992.
Ang iyang lain nga Oscar-nominated roles mao ang sa 1967 movie nga Bonnie and Clyde, isip si Buck Barrow, ingon man ang 1970’s nga pelikulang I Never Sang for My Father, kondiin ang iyang papel, usa ka agent niadtong 1988.
Sa iyang showbiz career nga milungtad og kapin sa unom ka dekada, nakadawat si Hackman og duha ka mga Academy Awards, duha sa Baftas, upat sa Golden Globes ug usa sa Screen Actors Guild Award
