BUTUAN CITY – Giklaro ni Senate President Francis “Chiz” Escudero nga dili siya gusto mahimong bise presidente sa Pilipinas higayong matangtangl sa pwesto si Vice President Sara Duterte tungod sa gi-atubang niining impeachment case.
Sumala ni Escudero, nakalatid sa balaod nga dili kinahanglan nga ang Senate President ang mohulip kung matangtangl ang Bise Presidente, tungod kay duna matud pay kagahom ang presidente nga mupili kung si kinsa ang ihulip niini gikan sa Kongreso.
Dugang ni Escudero nga dili matud pa maayong lantawon nga silang mga Senador ang magdesisyon sa impeachment ni case ni VP Sara, ug masayran na lang nga gusto usab diay nilang mahimong Bise Presidente.
Ingon niini usab ang kinahanglang tamdan sa Kamara aron dili mugawas sa kaulahi-an nga ang mga nagduso diay sa impeachment complaint, wala’y laing tuyo kondili ang paglingkod sa posisyon sa ikaduhang pangulo.
