BUTUAN CITY – Giklaro ni Police Col. Rommel Villamor, City Director sa Butuan City Police Office nga dili tinood ang mikatap nga taho nga pagsulay pagdagit sa usa ka bata sa Barangay Tagabaca ning siyudad diin ang suspek, nagsakay matud pa sa puti nga van.
Sa gipatawag nga press conference kagahapong adlawa, giklaro sa opisyal nga mihimo gilayon sila og lawom nga imbestigasyon sa usa ka social media post niadtong Biernes, Pebrero 21, diin usa matud pa ka 9-anyos nga batang babaye ang gisulayan pagdagit bandang alas 11:30 sa buntag.
Sigon ni Villamor, inconsistent ang pamahayag sa bata lakip na sa witness nga lola nga nakita lang niini nga nagdagan-dagan ang bata og nangluspad apan wala niini nakita nga gisulayan kini pagpasakay sa van. Na-istorya usab nla ang tag-iya sa van nga usa ka negosyante nga residente ra usab sa maong barangay kinsa mi-angkong nakakita siya og bata nga midagan apan hugot nga gihimakak nga duna siyay laing tuyo niini. Gane plano kining mopasaka og kaso batuk sa vlogger.
Hangyu na lang ni Police Col. Rommel Villamor ngadto sa katawhan nga kung mahimo i-verify una daan ang madawat nga impormasyon adiser i-post sa social media aron seguradong dili kini magpakatag og pekeng balita nga makapa-alarma sa tanan.
Gi-awhag usab niini ang tanan nga isumbong gelayon sa otoridad ang bisan unsang kremin nga mahitabo sa ilang lokalidad.
