BUTUAN CITY – Gitin-aw sa kanhe aktres nga si Andi Eigenmann nga bisan kanus-a wala nag-cheat sa iya ang iyang fiancé ug Siargao-based surfer nga si Philmar Alipayo.
Gihimo ni Andi ang pagklaro human sa pipila ka serye sa daw cryptic IG story niya nga nagpatim-aw sa spekulasyon sa ilang panagbulag.
Sa gipa-ambit nga IG story ni Andi kagahapong adlawa,Sabado, Pebrero 8, naghatag siya og mas klaro nga konteksto sa iyang mga naunang posts ug gika-ingong ang mga niini, intended sa usa ka partikular nga higalang babaye nga nagluib kaniya nga wala na niya gipanganlan.
Sumala pa niini, sa matag magkauban ang iyang fiancé ug ang nasangpit nga babaye, kauban usab siya.
Gipasabot usab ni Andi ang iyang pagpost sa nasangpit nga isyu tungod kay gitraydor matud pa siya sa nasangpit nga babaye nga gi-aghat matud pa ang iyang fiancé nga makigbulag sa iya sa higayong nag-away sila bisan og gisaysay usab niya ang iyang side.
Gilitok usab ni Andi sa iyang IG story ang pagpatattoo sa babaye nga pareho sa tattoo mark nga “224” sa iyang fiancé nga wala man lang gikonsidera ang iyang bation.
Gisulayan usab sa kanhe aktres nga i-reach out siya para mapasabot ang iyang side apan gi-isnab lang matud pa siya.
Sigon usab ni Andi nga gipa-ambit niya ang nasangpit nga posts para maghatag og awareness sa uban nga ang iyang sitwasyon dili normal. Nagatag usab og pamahayag ang fiancé ni Andi nga si Philmar sa iyang IG story ug gikumpirma ang mga gipa-ambit sa iyang fiancée.
Gitubag usab ni Philmar ang mga pagbatikos gikan sa netizen nga gitawag siya’g cheater ug pangit apan nagpasalamat sa mga tawong tinood nga nakaila kaniya.
Mahinumduman nga na na-engage sila Andi ug Philmar niadtong Disyembre 2020 ug kasamtangang dunay 2 ka anak nga sila Lilo ug Koa samtang dunay usa ka anak si Andi sa iyang kanhe karelasyon nga si Ellie.
