BUTUAN CITY – Bisan og wala pa’y kumpirmasyon tali nila surfer Philmar Alipayo ug kanhi aktres nga si Andi Eigenmann, daghan ang nagtuo nga third party ang rason sa gihugon-hugon karon nila nga panagbulag.
Kini human nag-post sa iyang Instagram account ang Siargao-based photographer nga si Pernilla Sjöö, kinsa nakatrabaho sa magti-ayon, og hulagway nila ni Philmar nga nagpakita sa ilang pagkasuod nga managhigalaay nga alang sa uban, paglu-ib na kang Andi.
Makita sa post ni Sjöö ang couple tattoo sa ilang bukton nga ‘224’ nga duna pa’y caption nga “2Today, 2Tomorrow, 4Forever ♾️ dayong pasalamat sa kapin usa ka dekada na matu pa nilang kasuod kondiin gi-ila niya si Philmar nga daw iyang manghod.
“More than a decade of being my Lil’Bro, and one of my greatest blessings 🩷.”
Dihang nabulabog ang pag-unfollow na sa duha sa ilang tagsa-tagsa ka mga social media accounts, pareho silang duna’y mga cryptic posts ilabina si Philmar nga daw kumpirmasyon na sa ilang panagbulag.
