BUTUAN CITY – Natapos sa Senado ang ilang sesyon kagabii nga wala man lang nahisgutan ang Articles of Impeachment batuk kang Vice President Sara Duterte kansa nadawat na ni Senate Secretary Renato Bantug pasado alas 5:49 sa hapon apan wala kini gitaho ngadto sa plenaryo adiser nag-adjourn pasado alas 7:00 sa gabii.
Si Senador Joel Villanueva ang nag-mosyon sa pag-adjourn sa session nga mobalik sa Hunyo 2 ning tuiga kondiin walay misupak sa mga kaubanan.
Gipasabot usab ni Senate Minority Leader Aquilino “Koko” Pimentel III nga wala nataho sa plenaryo nga nadawat na ni Senate Secretary Renato Bantug ang Articles of Impeachment.
Apan giklaro ni Pimentel nga duna gihapo’y posibilidad nga dunggon sa senado ang impeachment bisan og sila naka-break tungod kay pwedeng i-waive ang rules basta uyunan kini sa siento porsiento sa mga senador.
