Kapulisan, ginegar ang nanggawas nga tahong kidnap og lugos sa lungsod sa Nasipit, Agusan Del Norte

BUTUAN CITY – Nagpagawas og opisyal nga pamahayag ang kapulisan sa lungsod sa Nasipit, Agusan Del Norte diin hugot nga ginegar ang mga tahong dunay gi-kidnap og gilugos sa maong lungsod.

Base sa pamahayag, nga human sa gihimong verification og investigation, nakumpirma nila nga walay susamang insidente nga nahitabo sa lungsod dayung awhag sa publiko nga likayan ang dili beripikadong impormasyon nga makamugna og kahadlok, kabalaka og kalibog sa publiko.

Gi-awhag usab niini ang publiko nga kung dunay security concerns o nakasaksi sa bisan unsa nga kadudahang aktubidad, etaho kini sa kapulisan aron mahatagan og hinanaling aksiyon.