-- ADVERTISEMENT --
BUTUAN CITY – Nakaplagan ang patay’ng lawas sa usa ka bag-ong himugso nga batang lalaki human kini gitangag sa usa ka ero gikan sa bakanteng lote sa Purok Masagana, Brgy. San Isidro, General Santos City sa nakalabay nga adlaw, Enero 28.
Gitoohang gilabay ang bata sa bakanteng lote tungod kay giputos pa kini og panapton ug gisulod sa usa ka eco-bag diin gitangag sa ero ang lawas niini.
Gitoohan usab nga gipapunit ang bata sa inahan niini base sa itsura sa bata nga daw wala pa kaabot sa siyam ka buwan ug dunay nakitang tambal nga posibleng gigamit sa pagpalaglag.
Sa karun anaa sa usa ka punerarya ang patay’ng lawas sa bata samtang padayon nga gipangeta ang inahan niini.
