BUTUAN CITY – Igo na lang sa pagmahay ang usa ka amahan human niini gitigbas-patay ang iyang kaugalingong anak pasado alas-10:30 kagabii sulod sa ilang pinuy-anan sa Purok Tulip, Brgy Casil, Consolacion, Cebu.
Sigon sa asuy sa suspetsadong si Ramonito Bihag, 51-anyos, midulom na ang iyang panan-aw human misukol kaniya ang 25-anyos nga biktimang si Renato Castafares inay nga mupatuo unta dihang iyang gibadlong atol sa pagmaoy niini.
Sa pagsaysay ni PSsg. Gemini Adalim sa Consolacion Municipal Police Station, na-abtan sa amahan kinsa gikan pa namasada gamit ang habal-habal ang biktima nga nanadapat sa mga igsuon niining babaye kansa kanunay na matud pang buhaton sa biktima.
Wala na matabang pa ang pagmaoy sa biktima tungod kay siya na man ang gi-atubang niini hinungdan sa ilang panag-away hangtud nga natigbasan gayod sa amahan ang iyang anak diha sa nagkada-iyang parte sa lawas resulta sa hinanali niining kamatayon.
Nasuta usab nga sukad naggamitan og ilegal nga druga ang biktima, nawala na ang maayong taras niini ug daug-daugon na matud pa ang iyang mga igsoon.
