BUTUAN CITY – Gi-akusahan sa 18-anyos nga babaye gikan sa southern India state nga Kerala ang 64 ka mga lalaki nga seksuwal nga miabuso kaniya sukad niadtong 13-anyos pa kini.
Naaresto na sa kapulisan ang 28 katawo may kalabutan sa maong kaso. Ang mga akusado anaa sa pangedarong 17 ngadto sa 47-anyos nga naglangkub sa silingan sa biktima, iyang sports coaches og bisan mga higala sa iyang amahan.
Sumala sa kapulisan nga nagsugod ang pag-abuso niadtong 13-anyos ang biktima diin gi-molestiya kini sa iyang silingan samtang ang mga hulagway sa pag-abuso gi-post pa sa social media.
Subli matud pa kining gi-abuso sa mao rang silingan sa edad nga 16-anyos diin gi-record na usab ang pag-abuso og gipa-ambit sa ubang indibidwal nga mi-abuso na usab sa biktima sulod sa daghang katuigan.
Ang biktima usa ka atleta og mitambong sa daghang mga sports camps diin usab siya na-abuso sa mga coaches.
Gibutyag usab sa pulis nga ang maong babaye, na-gang rape na sa tulo ka higayon sa nakalabay nga 5 ka tuig.
Apan bisan paman niini, wala matud pa nahibalo ang pamilya sa biktima diin nabulgar nalang sa dihang mibisita ang mga counselors sa ilang balay sa nakalabay lang nga bulan.
