BUTUAN CITY – Gusto sa kampo ni Olympic boxer Eumir Marcial nga himuong pribado ang bangi tali nila sa iyang asawa nga si Princess ug dili kini ipahibalo sa publiko.
Sigon ni Atty. Marlon Morada, iya nang gitambagan ang boksidor nga hisgotan ang bangi nila sa iyang asawa sa tukmang forum. Hangtod karon wala pa sila’y nadawat nga pormal nga reklamo gikan sa iyang asawa dayong paniguro nga higayong madawat na nila ang nasangpit nga reklamo, ila dayon kining tubagon.
Kahinumduman nga nagsang-at og reklamo ang kampo ni Princess Marcial og paglapas sa Anti-Violence Against Women and their Children Acts of 2004 sa Pasay City Prosecutor’s Office niadtong Biyernes.
Una nang gibutyag ni Princess ang pagmaltrato sa boksidor kaniya kondiin nasakpan niya kini uban sa usa ka babaye sulod sa lawak kansa gipanghimakak sa boksidor dayong butyag nga inimbento lang kini nga pasangil sa iyang asawa.
