BUTUAN CITY – Nanawagan si California Governor Gavin Newsom alang sa independent investigation kung sa unsang paagi nabaraw sa water shortages ang pagpalong sa mga wildfires sa Los Angeles area.
Una nang gibutyag ni Adam Van Gerpen, ang captain sa Los Angeles Fire Department, nga nahutdan na og tubig ang pipila ka mga fire crews samtang gipalong ang Palisades fire ug sa uban pang mga wildfires.
Gani naghakot na sila og tubig gikan sa ubang mga fire engines, ug nagdala na usab sila og mga water tankers nga duna’y sulod nga tubig kansa makalangay sa ilang fighting operations. Sigon sa opisyal, isip mga firefighters, nagla-um ug nagsalig sila nga wala’y problema ang mga fire hydrants ilabina ang saktong pressure niini nga kinahanglan nilang ma-improvise, ma-adapt ug malabangan and overcome.
Sa pagkakaron, dili mu-ubos sa 11 ka mga tawo na ang patay sa wildfires samtang gibana-banang kapin na usab sa 10,000 ka kabalayan ug ubang mga istraktura ang nadamyos. Gihulagway pa ni President Joe Biden ang Los Angeles nga usa na ka war scene dayong pahimangno nga posibleng musaka ang death toll.
