BUTUAN CITY – Arestado sa mga Kapulisan sa Butuan City Police Office (BCPO) ang usa ka indibidwal nga gitudlong suspek sa pagpangluba sa usa ka to babaye sa may Brgy. Ampayon, Butuan City niadtong Enero 8, 2025.
Naila ang maong suspetsado nga si alyas Emanuel , 21 anyos ug estudyante. Sumala sa tigpamaba sa Butuan City Police Office nga si PLT Crispulo Alburo nga daan nang suspek ang maong lalaki sa kasong nagkutay niini sa illegal nga drugas.
Alayon niini, gihimo gilayon sa mga kapulisan ang drug buy-bust operation nga gilusad sa mga operatiba sa BCPS4 kauban sa Philippine Drug Enforcement Agency Regional Office 13 kagahapong adlawa, Enero 10, 2025 sa Brgy. Ampayon, ning dakbayan.
Subay niini, malampuson nga nakumpiska gikan sa maong lalaki ang 0.29 gramos sa gituohang shabu kansa mobalor sa P2,006. Sa kasamtangan, anaa na sa kustudiya sa kapulisan ang maong suspek, ug gilaumang atubangon niini ang mga kasong paglapas sa R.A. 9165 o Comprehensive Dangerous Drugs Act of 2002, samtang laing kaso usab nga Frustrated Murder tungod sa pag luba niini sa biktimang babaye.
Kahibaloan nga giluba matud pa sa maong lalaki ang biktima niini sa P-3, Brgy. Ampayon bandang ala una an gtakna sa kadlawon.
Naila ang maong biktima nga si Queen Añuber Acero, 22-anyos residente sa P-Balantiyong, Brgy. Maon, ning syudad, kinsa nakaangkon sa lima ka mga samad dinunggaban.
Sa kasamtangan, dili pa mohatag ang supek sa iyahang motibo sa maong pagpangluba.
