Bata nga masuso, patay human gilamon sa rim sa motorsiklo

BUTUAN CITY – Patay ang usa ka bata nga masuso pa human nalukot sa rim sa motorsiklo dihang ang lampin nga giputos kaniya nakaon sa rim niini didto sa Brgy. Agoho, lungsod sa Espernaza, lalawigan sa Masbate.

Nasayran nga samtang sakay sa motorsiklo ang inahan nga nagkugos sa bata, inanay nga gikaon sa rim sa motorsiklo ang nagbitay nga lampin nga gipustan niini samtang nagtuyok ang ligid ug nabira usab ang bata.

Igo na lamang sa pagbakho ang inahan human nakita nga naputol na ang duha ka tiil sa iyang anak ug nakabsan pa sa kinabuhi.

Nasayrang duna unta kini adtuan apan wala na makalahos tungod sa maong insidente.