BUTUAN CITY – Gikasubo sa Philippine Health Insurance Corporation kon PhilHealth, ang wala na paghatag pa og pundo alang sa premium subsidy para sa tuig 2025.
Sigon ni Zandro Etic, tigpamaba sa PhilHealth-Caraga, nakalatid sa Republic ACt 11223 kon mas nailang Universal Healthcare Act, ang paghatag kada-tuig og premium subsidy sa ilang ahensya pinaagi sa sin tax.
Ang maong subsidiya mao matud pa ang gamiton alang sa renewal sa mga indirect contributors, apil na sa mga indigent members, 4Ps kon Pantawid Pamilya Pilipino Program beneficiaries, senior citizens ug kadtong mga cover sa special laws.
Apan giklaro sa opisyal nga dili apektado sa lakang sa mga magbabalaud ang benepisyo sa ilang mga membro tungod kay reserve fund man ang ilang ilang gigamit alang niini.
Kamatu-uran niini, ilang gidugangan og 30-porsiento ang benepisyo sa ilang mga membro karong tuiga pinaagi sa pundo nga ilang nakuha gikan sa ilang reserve fund.
